Дулаан алдагдлын шинжилгээ
Таньд ямар хэрэгтэй вэ
Барилгын хаших хийцийн бүхий л дулаан алдаж байгаа хэсгийг мэдэж авна.
Хана, шал, дээвэр, цонх, хаалга зэрэг бүх хэсгийн дулаан алдагдлыг эрэмбэлж харснаар та хэрхэн дулаалах арга замаа зөв олох юм. Ингэснээр таамгаар олон янзын дулаалгын арга хэрэглэж илүү мөнгө зарлагадахгүй.
Барилгын дулаалгыг стандарт нормын дагуу, бүрэн хийгдсэн эсэхийг мэдэж авна.
Цонх хаалганы амлагаа зөв хийгдсэн эсэх,
Хана таазны дулаалга бүрэн дүүрэн, зай завсаргүй хийгдсэн эсэх,
Дээвэр хананы дулаалгын уулзвар, шал хананы дулаалгын уулзвар нийлсэн эсэх,
Хангалттай хэмжээний дулаалга хийгдсэн эсэх
Бүхий л дулаан алдагдлыг онол, практик хослуулан илрүүлж өгөх болно.
Төвийн шугам, нам даралтын зуух, цахилгаан бойлер, радиатор, шалны халаалтын хүчин чадлын тооцоо, зөв суурилуулсан эсэх, үйл ажиллагааны доголдлыг илрүүлнэ.
Та халаалтаа зөв шийдсэн эсэх, таны халаалтын систем гүйцэд ажиллаж байгаа эсэх, хэрхэн илүү үр ашигтай ажиллуулах, хэрхэн эрчим хүчээ хэмнэж болох зэрэг зөвлөгөөг авч, түүнийг найдвартай шийдэж өгөх байгууллагуудтай холбож өгнө.
Байшингийн агаарын чийгшлийг хэмжүүлж, цан цохих эрсдлийг илрүүлж, агааржуулалтын системээ хэрхэн шийдэхийг мэдэж авна.
Агаарын чийгшил нь байшингийн мэдрэгдэх температурт нөлөөлдөг. Мөн чийгшил ихтэй, дулаан алдагдал ихтэй үед уур цан цохиж, барилгын хийцийг эвдсээр байдаг. Хананы цаана хөгц ургасан, чийгшил өндөртэй байшин нь хүний эрүүл мэндийг нууцаар хохироож байдаг. Үүнийг ч мөн адил таньд хэрхэн шийдэх зөвлөгөөг өгнө.
Байшингийнхаа дулааны урсгалыг 24 цагийн турш гадаах температуртай харьцуулж харна.
Дулаан алдагдал нь таны дулаандаа зарцуулж байгаа мөнгийг шууд гадагш нь урсгаж байдаг. Тиймээс та цахилгаанаар, нүүрсээр, газаар юугаар ч байшингаа халааж болно. Гэхдээ байшин тань дулаан алдагдалгүй бол бүх зардал буурах болно.
24 цагийн температураа гадаах температуртай харьцуулснаар таны байшингийн дулаан алдагдал ямар түвшинд байгааг харуулах болно.
Байшингаа хэрхэн хямд төсөр, стандарт нормын дагуу, найдвартай дулаан болгож болох зөвлөгөөг 10 жилийн туршлагатай мэргэжилтнүүдээс авна.
